DAGHANG, Salamat Davao!

DAGHANG Salamat, DAVAO!

Pitong kabataang iskolar ng bayan

Kabilang ang limang YPS’ians,

Pinalad na makarating sa Davao,

Mga iskolar na may pangarap sa sarili’t bayan.

Ang layuning makabuluhan nabigyan ng katuparan

Dahil sa patnubay ng Maykapal at tulong ng kaibigan.

Minsan sa aming buhay, nakarating kami sa Mindanao

Kagandahan ng Davao aming napagmasda.

Taliwas sa inaakala kong magulong bayan

Bagkus, kasaganaan at kapayapaan ang naramdaman.

Sa loob ng pitong araw, ang pitong kabataan

Tinuruang makipamuhay sa ibat-ibang mamamayan.

Pananampalataya sa Diyos, pag-ibig sa kapwa,

Naging instrumento ng pagdiriwang na naging matagumpay.

Pambansang araw ng kabataan sa Longsud ng Davao

Di mapapantayan ang saya at karanasan

Sa dami ng bagong kakilala’t kaibigan

Na naging bahagi ng aming buhay.

Pasasalamat ang binabalik namin sayo

Sa pagbibigay sa amin ng pamilyang tulad mo.

Sa aming pamilya at kaibigan diyan sa Davao

Daghang salamat sa inyong pagkupkop at gabay.

Hanggang sa muli nating pagkikita,

Ipagpapatuloy natin ang nasimulang saya

Kasama ang lugar mo na tila isang paraiso sa ganda

Sa bawat isa kasaganan at kapayapaan ang nadarama.