MENSAHE sa MGA MAGSISIPAGTAPOS sa MABABANG PAARALAN ng VEGAFLOR

MENSAHE

HARREL M. PAYCANA

Panauhing Pandangal at Tagapagsalita 

52nd Commencement Exercises, Vegaflor Elementary School 

Vergaflor Lopez, Quezon 

March 25, 2015

Isang Pagbati at Pagpupugay sa lahat ng Magsisipagtapos sa Mababang Paaralan ng Vegaflor Batch 2014-2015. Narating at naipasa ninyo ang unang hakbang ng Pagsusulit bilang isang Mag-aaral, Matatangap ninyo ang isang Diploma na sumisimbolo ng karunungan, tagumpay at pangarap ng inyong mga Guro at magulang na nagsikap , nagbigay ng pagmamahal, gabay at suporta sa inyong pag-aaral. Sa pagkakatong ito wala nang atrasan patungo sa panibagong pagsusulit, ang pag hakbang sa panibagong yugto ng pag-aaral sa Mataas na Paaralan at dito muli ninyong ipapakita ang Sipag, Tiyaga, Disiplina at Determinasyon upang makamit ang isang Pangarap , pangarap para sa iyong sarili, magulang at pamilya lalo’t higgit sa ating Inang Bayan.

Kaagapay ang tema ngayong taon “ Saktong buhay : Sa Dekalidad na Edukasyon, Pinanday!”. Mula noon hanggang sa makabagong panahon ang armas natin ay ang EDUKASYON, ito ang  magiging susi at tanglaw upang mapagtagumpayan natin ang hamon ng buhay. Kasabay nito ang pag-gamit ng ating mga karanasan na magsisilbing inspirasyon natin upang huwag tumigil mangarap at magsikap.

Ito ang tamang panahon upang isipin kung ano ang kaya nating i-ambag sa mundo at sa lipunan, kung saan kayo ang magiging instrumento  ng pagbabago tungo sa Maganda’t masayang buhay sa mas maunlad na kinabukasan. Kayo ang Bagong Henerasyon sa Makabagong Pag-unlad, na mag-aangat ng ating Paaralan at Bayan gamit ang ating husay at galing sa pinili nating larangan.

Laging magpasalamat sa ating Panginoon, at sa mga taong naging dahilan ng ating  tagumpay at kabiguan gawin natin silang inspirasyon at sandigan upang tahakin at tuklasin ang mas magandang bukas sa hinaharap.

Muli, maraming salamat sa pagbibigay ng pagkakataong maging bahagi ninyo sa araw ng inyong Pagtatapos at maging saksi upang masilayan ang inyong ngiti sa pagkamit tagumpay.

Congratulations Graduates!