TULA NG PASASALAMAT AT PAGMAMAHAL Handog sa kaarawan ni Ma’am Dina A. Marce

TULA NG PASASALAMAT AT PAGMAMAHAL

Handog sa kaarawan ni Ma’am

Dina A. Marce

DINA ang pangalan ng Boss naming mahal

Kami’y laging busog sa pangaral at gabay,

Sa bawat usapan may mapupulot kang aral

Gamit sa panibagong yugto ng buhay.

Isang halimbawa ng mabuting tao

Tunay naming nakita sa iyong pagkatao,

Wala mang sabihin ngunit puso’y nakakaramdam

Sa anumang pangangailan ng iyong kasamahan.

Nagagalak kami sa puso mong kaloob at

Sa lahat ng  kabutihang sa ami’y idinulot,

Walang hanggang pasasalamat sa Puong Lumikha,

Isang tulad mo ay lubhang pambira.

Araw ng iyong pagsilang ngayon ay ipagdiwang,

Kasama ang lahat na sayo’y nagmamahal,

Biyayang kaloob ng Amang Dakila

Ang makasama namin ang kanyang likha.

Matapang na hinarap ang buhay at pagsubok,

Ginawang sandata ang hirap at saya,

Patuloy na humakbang at humarap  sa kinabukasan,

Walang hamon na sinukuan.

Ang iyong kalinga sa kapuso’t kapamilya

Mistulang isang kapatid sa lahat ng nakasalamuha

Aming tinginan kahit walang salitang nabitawan

Lubos na unawa ng pusong nagkakaintindihan.

Respesto at Pagmamahal laging nakalaan,

Maging sa tawanan at seryosong usapan,

Bahagi ng aming buhay ang paggalang,

Bilang isang idolo ng aming kasalukuyan.

Contribution mo’y sadyang makabuluhan

Sadyang gamit namin sa pang araw-araw

Pagsasabuhay ng iyong aral, dinadala hanggang tahanan,

Aming binahabagi sa mga kaibigan.

Espesyal ka sa aming puso,

Palagi ka sa aming isipan,

Sa bawat sandali ng aming buhay

Isang Ma’am Dina Marce di naming kakalimutan.

Karapatang-ari © 2020 ni Harrel M. Paycana

Reserbado ang lahat ng Karapatan

Enero 10, 2020, Lungsod ng Santa Rosa, Laguna